نقاش حاد بين الشباب والبنات!!!!

لا طبعا احنا ماشيين بالدور دي قوانين ولا ايه رايك

لا عادى ولا قوانين ولا حاجة
اللى عندة سؤال محيرة يطرحة
وشكلك عندك سؤال
قولية كلنا بنرد ولاد وبنات

انا لا احنا منتظرينك انتي ياقمر والشباب طبعا 

انتوا بتتعزموا علي مين اللي يحط سؤال ممكن انا احط سؤال للشباب بس اتمني انهم يجوبوني بصراحة ويريت يكون
راي معظم الشباب وليس راي شخصي
من تتمني الزواج منها --- صاحبة القلب الحنون والحب الجارف ام صاحبة الوجه الجميل الفاتن ؟؟؟

شكرا يمحمود علي ردك علي السؤال ومستنين اسئلتكم

حلوة اوي المقولة دي: لقد حفظت نفسي فاحفظ لي نفسك

بالنسبة للرد على السؤال:
تختلف الاجابة
فهناك من يكون عندهم العمل بالمرتبة الاولى
واخر لايهتم بالعمل اساسا
واخر تقع عنده العمل بالمرتبة الثانية
أي بعد الحياة العاطفية
سؤالي:
لماذا يعترض الرجل على عمل زوجته؟
هل ليظل متحكما؟
ام حرصا عليها لم اعرف من ماذا؟
ام ..........................

العمل مهم جدا
لكن فى اولويات علية
طبعا انت عاوزنا نقعد من الكليات والعمل لكن مش هيحصل
ههههههه

فين البنات والشباب

هل المرأه الصريحه هي الغير مرغوبه لدى معشر الرجال ؟

بالنسبه للسؤال بتاع المنع من العمل
هو مش بيعترض على العمل لانه اساسا مش حقها كحق اصلى بالعكس
دا حقها انها تقعد فى بيتها وتتستت زى ما بيقولو
اذا الراجل دا بيرجعها للاصل
لان وراها حاجات اكبر من كدا بكتير وراها بيت الزوجيه اللى المفروض هو نواة المجتمع فلو قصرت فى جزء منه يبقى قصرت فى حق المجتمع ويبقى مجتمع نواته فيها عطب وتعب وبالتالى ممكن يبقى هش
كمان وراها انها بتربى ابناءها اللى هما رجال المستقبل وحمله اللواء وبالتالى اما بتخرج للعمل بتقصر فى تربيتهم وبالتالى بيبقى رجاله المستقبل عيال وينقصهم شىء او اشياء وبالتالى المجتمع بردو يبقى هش

ومش عايز حد يقولى هيا تشتغل وتربى ابنائها وتحافظ على ولادها لان كدا بنضحك على بعض
ما هو يا اما بتشتغل على مكتب وفى الاخر بنلاقيها بتحضر الغدا وتحشى المحشى وهيا فى الشغل
يا اما يتساوى بينهم بقى وتشتغل امين شرطه او صف ظابط او فى شركه بترول فى قلب الصحرا او تشتغل تباع على عبيه او سواق او او ا و الخ

المجتمع الغربى طبق دا واصبح هش اجتماعيا .. ولا ننسى ان الحياه الاجتماعيه هى المخزون الاستراتيجى لاى امه من الامم

ناهيك بقى عن التنازلات اللى بتحصل تنازلات عن المبدا والدين من خلع للحجاب وغيرها
وحاجات غيرها كتير

اما ادم بيخاف عليها من ايه فا على نفسى ما دمت بحبها
هخاف عليها من الهوا والله والعظيم يعنى حتى لو طلت اخليها ما تشتغلش فى البيت حتى مش هشغلها
*******

اما المراة الصريحه ... فا الصراحه دائما هى المرغوب فيها

بالنسبة لموضوع عمل المرأة
فده موضوع طويل جدا
وبيختلف من رجل لأخر
وكذلك من امرأة لأخرى
اما موضوع التنازلات دي
فبيرجع للواحدة نفسها
الانسان الصح مش بيتخلى عن مبادئه بسهولة
وشكر على الرد
بس فين اسئلتكم
ولا انا اللي هفضل اسأل

ردا على راى احمد فى العمل::
هو راى قاسى شوية لانه مش من
العيب انها تشتغل و فى ناس و امهات كتير كده و ولادهم
بيطلعو كويسين اى نعم مش كلهم بس ممكن
واحده تقعد فى البيت و متفرغالهم و
يطلعو مش كويسين الموضوع بيختلف
من المراه نفسها
و بعدين مستحيل واحدة محجبة تخلع
حجابها و تغضب ربها علشان تشتغل
فى و ظيفة شرطها خلع الحجاب لان لبسه
بيكون على اقتناع
دى من نظرى و تبعا لفكرى

و عموما انا بحترم رايك و ياريت متتضايقش
من كلامى

و ارجو ان
تقبلو مرورى و اشتراكى فى النقاش

شكرا يا جوهرة على تعقيبك
انا بتكلم على الاصل ان الانسانه مش حقها انها تشتغل بالعكس دا عبء عليها وتقل وحمل عليها
انما اللى حقها انها تتستت ودا اظن متفقين فيه

طبعا انا مؤمن بالنسبيه اللى انتى اتكلمتى عليها بس لازم اما نتكلم نتكلم على القاعده مش الاستثناء اللى عليها
شىء بمنتهى العقل والمنطق ان الانسان طاقه يعنى الانسانه هتشتغل وتبقى ام وترعى ابنائهم وتتابع كل سلوكياتهم علشان تقومها وتتابع المنزل وتبقى زوجه مثاليه وتشوف احتياجات الزوج وتبقى سكن له يعنى هيا الراحه بتاعته وتحنن وتذلل امامه مصاعب الدنيا كل دا هتقدر تديه حقه وتطالب بعبء اضافى عليها
ثم صدقونى والله انتو لو اتساويتو معانا فى العمل هتتبهدلو
ولا انتو تتكلمو على المبدا كشكل وعايزين مساواة ونيجى عند المضمون ونشغلكم امناء شرطه ولا صف ظابط ولا تباع على عربيه ولا ولا تيجوا تقولو احنا القوارير واحنا الرقيقات
والله يا جماعه خوفنا عليكم من العمل وعليكم لانكم اخواتنا وامهاتنا وبناتنا هو السبب فى المعارضه
ثم الانسان بيطالب ان العبء يتخفف عنه مش يزيد
*******
حته مستحيل انها تخلع حجابها طبعا انتم بتتكلمو عن الوضع المثالى لكن انا بتكلم على الواقع
ومن الواقع القريب جدا مش بتخلع حجابها بس لا بتتنازل عن حاجات تانيه اكبر
***********
انا طبعا مش مضايق ولا حاجه
بالعكس انا مبسوط جدا ان فيه نقاش بناء
ومستنى ردودكم ونقاشكم واتمنى تكونوا متفهمين وجهة نظرى

اولا
انا متفقة معاك ان امراة من حقها الطبيعى انها تقعد فى البيت لان ده المعروف بس ليه زى
مابتحاول تنجح فى بيتها تحاول تنجح فى عملها بشرط ان ده مياثرش على بيتها
و مسئوليتها و لو حست بكده يبقى لازم تسيبه
----------------------------------------------------------
ثانيا
انا فاهمه قصدك ان ده هيبقى حمل كبير عليها و مقدرة خوفك على المراة
بس ده تبعا لشخصية المراة نفسها
و بعدين المقصود هنا مش المساواه بينها و بين الرجل
المقصود هو تحقيق الذات اللى الكل بيبحث عنه
فى اشياء مختلفة
و لكن عمر المراه ما هتتطلب امناء شرطه ولا صف ظابط ولا تباع على عربيه ولا ولا
مفيش مراة تقبل بكده المقصود العمل فى المجالات المرغوب فيها
------------------------------------------------------------------------
ثالثا
شعور جميل منك اتجاه المراه بالخوف عليها و مراعاه اعبائها
و لو بالنسبة للجهه دى من التفكير و هى الخوف على المراه من
ثقل الحمل عليها فانا متفقة معاك فى الجهة دى من ناحيه تفكيرك اتجاه المراه
و لكن توجد نواحى اخرى لرفض او القبول بها بالنسبة لرجال اخرين
---------------------------------------------------------------------------------
رابعا
حته الحجاب انا قولت كده من ناحية تفكيرى انا و اقتناعى بالحجاب
------------------------------------------------------------------------------------
و زى ما قالت قمر الموضوع ده فى جدال كتير
لاننا لانخاطب عقليه واحده انما عقليات مختلفة
و شكرا ليك لتقبلك رايى
و سورى لو اطلت عليك

و لو تسمحولى اشترك بسوالى

هل المراه الطموحه افضل ام محدوده الطموح او منعدمه؟

شكرا ليكي على اهتمامك بالموضوع
وانا متفقة معاكي ومع احمد
المرأة لها اولويات زوجي ثم بيتي ثم عملي
بس العمل مش اساسي فممكن حذفه لو هيأثر
على اول اتنين
وعلى فكرة فيه فكرة جديدة اتنفذت
ان المرأة تستطيع ان تعمل في البيت
الفكرة دي طبقها وزير مع احدي الموظفات ونجحت
يعني مش هتخرج بره مش هتتخلي عن حاجة
بس على اقتناع تام ان لو زوجي محتاجني هو اولى بيا
---------------------------------------------
اما بالنسبة للمرأة الطموحة
فأعتقد انه لازم في المرأة
لانها بتمد زوجها بإحساسها بالطموح
هتجعل منه انسان كويس بس تكون معاه
----------------------------------------------
الموضوع ومافيه ان المرأه بيدها مفتاح الحياة
فهي ليست نصف المجتمع
فهي النصف الذي يربي النصف الأخر
فبذلك هي المجتمع كله
-------------------------------
وهكتبلكوا موضوع حلو اوي عن المرأة ان شاء الله

اولا ازيكم كلكوا يا رب تكونوا بخير
موضوع العمل طبعا اولويات العمل البيت والزوج
لكن ممكن المراة تعمل وتوفق برضة بس صعب جدا لان لو رفضنا المبدا هيكون اهدار حقنا لكن يكون بقواعد وشروط
1-اولا باذن الولى سواء الزوج او غيرة
لان انا متفقة مع احمد تماما انة مش من حقنا العمل بتاتا
مهمتنا الاساسية ادارة شئون البيت
2- ان لايكون العمل على حساب الزوج والبيت لان مش معقول هتهمل الاصل عشان تحس بذاتها
3- ان لايكون عملها فوق طاقتها
انا عمرى ما سمعت عن بنات اشتغلوا الحاجات اللى انت بتقولها دى يا احمد خالص
انا لما بنطالب بالمساواة نتساوى ايوة بس مش للدرجة دى
شوية شوية وتقول نروح الجيش هههههههه
4 - ان مثلا يكون عملها لحاجة يعنى لو الحياة متيسرة والحمد لله خلاص بقى
احنا بندور على تعبنا يعنى ولا اية
5- انها لا تتنازل عن اى من مبادئها خااااااااااااااااالص
ولا حجاب ولا غيرة
شكرا

شكرا يا قمر ليكى على قبولى معاكم
انا قولت::
( نا متفقة معاك ان امراة من حقها الطبيعى انها تقعد فى البيت لان ده المعروف بس ليه زى
مابتحاول تنجح فى بيتها تحاول تنجح فى عملها بشرط ان ده مياثرش على بيتها
و مسئوليتها و لو حست بكده يبقى لازم تسيبه)
و لاحظو انه بالرغم من اهتمام المراة للعمل يكون اهتمامها الاول هو النجاح فى بيتها
لانه الاساس و انا و ضحت شرطى لو هياثر تسيبه فورا

طبعا ياجوهرة ده موضوعك منوراه بجد
في انتظار الشباب للرد على سؤالك
هل المراه الطموحه افضل ام محدوده الطموح او منعدمه؟

ربنا يخليكى يا قمر
ده انتو اللى منورين
و بعدين شكل الشباب كده
زعلانين مننا على الاخر
(ههههههههه)
ايه ياجماعة فين الرد؟؟؟؟؟؟؟؟؟؟؟؟